محمد قرفول: يا سنين ضيعي في مدايي (قصيدة)
2020.08.25
تعي يا سنين ضيعي في مدايي
أنا كل عام عم جدد صبايي
الناس بتكبر ان عدّت سنينا
ويا ما قرون زتيتا ورايي
أنا بهدي الشواطي عا سفينا
وعالي الموج يتمنى رضايي
كل الأرض كان احترق دينا
لوما أسكب عليها الهدايي
أنا وموسى سوا عالأرض جينا
وحمّلني الوصايا والعصاية/ي
ومسيح الناصري بدمو فدينا
ودمع أمو روى كل الحكاية/ي
ونبينا أحمد ال صفّا نبينا
عند ما علمو ربو القراية/ي
ع درب العلم مشانا ومشينا
بعد ما كان أمي بالبداية/ي
ولأنو خاف م تسود الضغينة
وشعبو يضيع بغياب الرعاية/ي
بغدير ال خم كيف وصّاه فينا
ل بن عمو وعقد عندو الولاية/ي
وبعدا صار يهدينا علينا
وصيّو اللي حمل للدين راية/ي
ونحنا عالوصية ما التقينا
وبنار البغض والجهل اكتوينا
يا رحمان ارحمنا اكتفينا
وغطينا سوا بذات العباية/ي