الفنانة سهير رمزي لاتتنكر لأعمالها الجريئة وترفض حذفها عن اليوتيوب

أكدت الفنانة المصرية الكبيرة سهير رمزي عدم حذف أعمالها الجريئة على موقع تبادل الفيديوهات الشهير يوتيوب، مشيرة إلى أن هذه الأعمال بمثابة تاريخها.

وتابعت: اللي كنت بعمله مكنش حاجة شاذة، ولو عندي القدرة أمسح أعمالي من على السوشيال ميديا واليوتيوب مش هعمل كده وده تاريخ وأنا عملته وملزمة به.

وأضافت: بزعل من نفسي دلوقتي لما بشوف الحجاب اللي كنت بعمله وكان طرح كتير وألوان كتير، لكن مش بزعل من النقد.

كما تحدثت سهير رمزي عن علاقتها بـ إخوتها من الأب، إذ أكدت أن العلاقة اختفت بعد تقسيم الميراث، موضحة: للأسف علاقتي بـ إخواتي من الأب اتقطعت بعد الميراث، وأنا مش عايزة منهم حاجة ولا هما عايزين مني حاجة، بس لازم يكون فيه تواصل وعلاقة ود بيني وبينهم وأنا قولت قبل كدا حد يتواصل معايا منهم.

وعن عدم أخذ الميراث، قالت: أنا مخدتش ميراثي من والدي لأني مكنتش محتاجة منه حاجة، وبابا مصرفش عليا حاجة، فسبته لـ إخواتي خصوصًا أختي الصغيرة عشان يتحط في جهازها، وإخواتي هما اللي اهتموا وقعدوا مع والدي إنما أنا مشوفتوش غير مرة واحدة في حياتي وكان عندي 13 سنة.