ما قالته فيروز في رثاء نصري شمس الدين
2023.05.26
غيابك بكّاني يا نصري، كنت قول إذا غبت بكرا بيرجع، وإذا فلّيت بكرا بشوفو، ولا مرة غبت هيك وفلّيت هالقد، كان بيلبقلك تعيش كتير بعد..
كان بيلبق لصوتك يغني بعد..
كان بيلبقلك العز والاسم والضو، ما سبق وطلعت ع مسرح ببلدي وإنتَ مش معي، اليوم لا وجّك ولا صوتك، ولا قلبك اللي متل الدهب رح يكونوا معي، بالماضي كنت إنطرك بفرح، اليوم رح إتذكرك بحزن. نصري يا رفيقي الوفي وفناني الكبير، في شي بفني زاد لأنك جيت، وفي شي نقص لأنك رحت، كنت ربحي الكبير، وخسرتك يا نصري…
الصورة من مسرحية هالة والملك عام ١٩٦٧