فخر زيدان: الضعفاء فريسة مشروعة للوحوش

بوست طويل شوي بس يللي مابيقراه بدي أعدمو.
منرجع على البيوت المدمرة. في مرة عضو مجلس شعب قال عن حمص: كيف عم تدفعوا واحد كهربا أو مي. بيتو مدمر من سبع سنين؟ أنا بالله العظيم قلت يمكن ستخجل الحكومة وستعمل على إلغاء هذا الغباء الذي ليس له نظير.. المهم ياسيدي ملا أنت بعد تسوية الغوطة دبوا الصو وقالوا تعالوا اعملوا ضبط في بيوتكم المدمرة وممتلكاتم.. والحاضر يعلم الغايب.. والله يامرحوم البي.. رحنا من المخفر الى المحكمة الى السجل العقاري. الى المخفر الى البلدية.. وعلى دفع.. على دفع.. لا بيتك المدمر بيرحمك ولامعملك المنهوب بيشفع لك ولاسيارتك المختفية. بتزمر لأن أنت بتعرف صوتها..
من اسبوع أجتني رسالة قال: راجع مكتب الأضرار.. لاستكمال الإضبارة وأخذ رقم جديد.. رحنا.. بيتنا تحويشة العمر ولاسيما أنا بعدني عم ادفع قرض عقاري لسه ماخلصت.. اي.. وين مكتب الأضرار؟ قال شحو عالسوكة.. فتنا.. في سيدة في غاية الأناقة والذوق واللباقة.. بعد أن رميت السلام.. قلت لها: بس مايكون في دفع؟ ضحكت وقالت: مابعرف شو بدي قلك؟ يبدو -في غيري مصدوم.. المهم قال بدك تروج تجيب لنا براءة ذمة مي أو كهربا.. فنجرت عيوني.. وكأنني لم أسمع ولاأصدق... فضحكت ثانية, وقالت لسة ماخلصت.. إي؟ قال بعدين في محضر توصيف بيكلف 4500 ل.س. ولك يابنت الحلال؟ قال والله بتعرف نحن موظفين ومغلوب على أمرنا وهيك بيطلبوا منا.. ولك ايتها الحكومة والدولة.. لأن هي موسياسة حكومة فقط.. ومجلس الشعب.. ورئيس الدولة والله. في عليائه.. كيف أنا بدي أدفع رسوم ساعة غير موجودة؟ وين ساعة الكهربا؟ وين ساعة المي؟ شرفوا جيبوا لي اياها.. أنتو ماقدرتوا تحموها. ولاتحافظوا على ممتلكاتنا.. ف بتتكرموا علينا بتدفعونا ثمن ذلك؟
في حدا بالعالم عم يستوعب شو عم يصير؟ شو محضر توصيف يعني؟ البيت واضح ونظامي وفي توصيف هندسي.. روحوا شوفوا الأضرار وحطوا يللي بدكون اياه..ي
ياعالم ياهوه أنا بيتي في حرستا حي السيل رقم (5590). يللي بدو اياه يروح ياخدو متل ماأخدوا بيوت بالضاحية أصحابها خارج البلد.. والمحامي يللي لعب هاللعبة مات أو انتحر من الطابق السادس.. المهم
أنا داخل البلد لكن بالله لن أدعي على اي واحد بياخد بيتي.. افترسونا كما شئتم.. فالضعفاء فريسة مشروعة للوحوش.