من غلّة الطاحون
2026.09.01
أسعد السبعلي
كلمة غريب القلتها.. لا تعيدها..
روحي ألم، فوق الألم بتزيدها..
بيتنا واسع، وبيدرنا ملان
والداليه تقلت على عواميدها...
درجه ودرجه سلّم العمر طلعو
وبالوهم عمرك والطمع لا تضيّعو..
الحكمه، من طيور السما تعلمتها
كل يوم ورزقتو بتخلق معو!
خلّي المحبه شمعة القلب الحنون
وعنّك حكايات الحكيمه نقصّها!
سجرة "الصندل" متلها بريدك تكون
بتعطّر الفراعة البتقصّها..
ولادك حكايات المحبّه حكيلها..
والمدرسه من فكارهن، لا تشيلها
العلم بيضوّي بيوت معتّمي
والجهل يطفي النور بقناديلها..
وبالصبر عند الحزن نفسك شدّها..
رياح القدر، ما فيك تطلع ضدّها!
رجمه.. وعليها انكب كباية موي
جرّب انكنّو فيك بعد تردّها!
....
أسعد السبعلي من ديوان "طل الصباح"